Fed က QE tapering လုပ်မှာမို့ ရွှေဈေးတွေကျတယ်လို့ facebook မှာ သတင်းတွေမှာရေးကြတော့ Fed ဆိုတာ
ဘာလဲ QE tapering ဆိုတာဘာလဲ မေးကြပါတယ်။ Fed ဆိုတာ Federal Reserve of United State ပါ အမေရိကန်
ဗဟိုဘဏ်ပေါ့ တစ်နိုင်ငံလုံးရဲ့ငွေရေးကြေးရေး policy တွေချမှတ်တဲ့ဌာနပေါ့ သူ့ရဲ့ policy အပြောင်းအလဲ တစ်ခုဟာ
ကမ္ဘာ့ရွှေဈေး စတော့ဈေးတွေကို ဇောက်ထိုးမိုးမျှော် ဖြစ်သွားနိုင်လောက်အောင် အင်အားကြီးပါတယ်။ FOMC ဆိုတာ
ကတော့ Federal Reserve's Open Market Committee ပါ အတူတူပါပဲ QE ဆိုတာက တော့ Quantitative Easing
ပါ purchasing bond (ငွေချေးစာချုပ်ဝယ်ယူခြင်း) လို့လဲခေါ်ပါတယ် tapering ကတော့ လျော့ချတာပါ။
အမေရိကန်စီးပွားရေးကျတဲ့အခါ လူတွေဘဏ်က အတိုးနှုန်းနဲနဲနဲ့ ငွေတွေချေးပြီး စီးပွားရေးလုပ်ငန်းတွေလုပ်နိုင်အောင်
Fed ကဘဏ်တွေဆီက bond တွေဝယ်ပါတယ်။အဲဒီလို Fed ကဘဏ်တွေဆီက bond တွေဝယ်တဲ့အခါ ငွေကြေးဖောင်းပွမှုတွေဖြစ်ပြီး ရွှေဈေးတက်ပါတယ်။ bond
ဝယ်တဲ့ amount ကိုလျှော့ချ (tapering) လိုက်မယ်လို့သတင်းတွေထွက်ရင် လုံးဝမဝယ်တော့ဘူး ရပ်လိုက်တော့မယ်လို့
သတင်းတွေထွက်ရင် ရွှေဈေးကျပါတယ်။ ငွေဖောင်းပွမှုလျော့ပြီး အမေရိကန်ဒေါ်လာဈေးမာတော့မှာကိုး ကမ္ဘာမှာ
ဒေါ်လာဈေးတက်ရင် ကမ္ဘာ့ရွှေဈေးကျပါတယ်။ မြန်မာမှာဒေါ်လာဈေးတက်ရင် မြန်မာ့ရွှေဈေးတက်ပါတယ်။
ဘာကြောင့်လဲဆိုတော့ မြန်မာမှာဒေါ်လာဈေးတက်တယ်ဆိုတာ မြန်မာကျပ်ငွေတန်ဖိုးကျတဲ့အဓိပ္ပါယ်ပါ။
မြန်မာကျပ်ငွေတန်ဖိုးကျတော့ မြန်မာကျပ်ငွေနဲ့ဝယ်ရတဲ့ မြန်မာ့ရွှေဈေးတက်တာပေါ့။
==============================================